గెలుపు నేర్పే పాఠాలు

గెలుపు అనేది సునాయాసంగా దరిచేరిది కాదు
అలా అని అందని ద్రాక్ష అంత కన్నా కాదు

కష్టే ఫలి అని అన్నారు
విసుగు చెందక కృషి చేస్తే తప్పక విజయాన్ని అందుకుంటాము

ఒక రాయి ఎన్నో ఉలి దెబ్బలు తట్టుకొని నిలబడితేనే కదా
చక్కని శిల అయ్యేది

ఒక చిన్న బీజం పుడమిని చీల్చుకుంటూ
ప్రకృతిలోని ఇబ్బందులు ఎదురుకుంటేనే కదా

తన ఉనికిని కాపాడుకుంటూ
చక్కని ఫలాలని అందించేది

పసి పిల్లలు కింద పడినా
మరలా లేచి నడవడానికి ప్రయత్నం చేసినట్టు

ఎన్ని అవరోధాలు ఎదురైనా
చిరునవ్వుని కోలిపోకుండా ఉంటే ఓటమికే వణుకు పుట్టి విజయాన్ని ఇస్తుంది

సహనం అనే వృక్షం ఒక వేర్లు చెడుగా ఉన్నా
విజయం అనే తీపి ఫలాలని అందించి మన బాధలని మాయం చేస్తుంది

ధృడ సంకల్పం, క్రమశిక్షణ, ఆత్మ స్టైర్యం ఉంటే
ఎన్నటికైనా విజయం దరిచేరుతుంది

వజ్రనికైనా సాన పెడితేనే కదా అది మెరుస్తుంది
అలానే మనలోని కళలని గుర్తించి ప్రయత్నం చేసి అనుకున్న గమ్యం చేరుతాము

గెలిచాము అని పొంగిపోక
ఓడిపోయాము అని క్రుంగిపోక

గర్వం దరిచేరనియక
ఈర్ష్య ద్వేషం స్వార్థం వదిలి

స్నేహాభావంతో మంచి నడవడికతో
అందరితో మంచి మనిషిగా ఉంటే అదే సగం గెలుపు

మరణించినా నలుగురి జ్ఞాపకాలలో
పది మంది హృదయాల్లో ఎప్పటికి బ్రతికి ఉంటే అదే నిజమైన గెలుపు

అప్పె షర్మిల