బాల్యంలో నాన్న చండశాసనుడని
చదవండి సంస్కారం నేర్చుకోండి
సమయపాలన పాటించండి అని చెబితే అనుకున్నాను
నేను నలుగురుపిల్లల తండ్రినైన తరువాత తెలిసింది
నా ఉన్నతి గురించే నాన్న ఆవిధంగా చెప్పాడన్నది
పండుగనాడు అమ్మకి మాకు కొత్తబట్టలు కొని
తాను చినిగిన బట్టలు వేసుకుంటే నాన్న పిసినారి వాడని అనుకున్నాను
నేను సంసార జీవితంలో
ఆనాడు కుటుంబ సంతోషమే తన సంతోషమని భావించాడన్నది
అరవై సంవత్సరాలు వచ్చి
నేను మనుమల నెత్తినా
వంట్లో నలతగా ఉంటే
వణుకుతున్న చేతులతో
నా నుదుటి మీద చేయివేసి
భయంలేదు కన్నా
నా ఆయుష్షు పోసుకొని
నిండా నూరేళ్లు జీవించు
‘దీర్ఘాయుష్మాన్ భవ’ అని
ఎనభై సంవత్సరాలు దాటి
ఆశీర్వదించిన తండ్రి
ప్రత్యక్ష దైవమే…!!
కవిమిత్ర సాహిత్యరత్న
ఆచార్య అయ్యలసోమయాజుల ప్రసాద్
