సామాజిక సంస్కర్త మహాత్మా జ్యోతిరావు పూలే 199వ జయంతి సందర్భంగా సైనిక్పురిలో ఘనంగా నివాళులు అర్పించారు ఎంపీ ఈటల రాజేందర్. ఈకార్యక్రమం ఉత్సాహభరితంగా సాగింది. వివిధ వర్గాలకు చెందిన ప్రజలు, నాయకులు పెద్ద సంఖ్యలో పాల్గొని పూలే సేవలను స్మరించుకున్నారు.
ఈ కార్యక్రమానికి ముఖ్య అతిథిగా మల్కాజగిరి ఎంపీ ఈటల రాజేందర్ హాజరయ్యారు. ఈ సందర్భంగా ఆయన పూలే విగ్రహానికి పూలమాలలు వేసి ఘనంగా శ్రద్ధాంజలి ఘటించారు. అనంతరం ఈటెల మాట్లాడుతూ, సమాజంలో సమానత్వం నెలకొల్పేందుకు మహాత్మా పూలే చేసిన కృషి అపూర్వమని పేర్కొన్నారు. అణగారిన వర్గాల అభ్యున్నతికి, ముఖ్యంగా మహిళా విద్యాభివృద్ధికి ఆయన చేసిన సేవలు ఎప్పటికీ చిరస్మరణీయమన్నారు.
ఈ వేడుకల్లో వినాయక్ నగర్ మాజీ కార్పొరేటర్ క్యానం రాజ్యలక్ష్మీ, మౌలాలి మాజీ కార్పొరేటర్ సునీత యాదవ్ తదితరులు పాల్గొన్నారు. వారు కూడా పూలే విగ్రహానికి పూలమాలలు వేసి నివాళులు అర్పించారు. ఈ సందర్భంగా వారు మాట్లాడుతూ, పూలే ఆశయాలను నేటి తరానికి తెలియజేయాల్సిన అవసరం ఉందని అభిప్రాయపడ్డారు.
సమాజంలో ఉన్న అసమానతలను తొలగించేందుకు, విద్య ద్వారా మార్పు తీసుకురావాలని పూలే చేసిన పిలుపు ఇప్పటికీ ప్రాసంగికమేనని నేతలు పేర్కొన్నారు. ముఖ్యంగా మహిళల విద్యాభివృద్ధికి ఆయన చేసిన కృషి భారత సమాజంలో గొప్ప మార్పులకు దారితీసిందని గుర్తుచేశారు. విద్య అనేది ప్రతి ఒక్కరి హక్కు అని భావించి, ఆ దిశగా పూలే చేపట్టిన చర్యలు చరిత్రలో నిలిచిపోయాయని వారన్నారు.
అణగారిన వర్గాలకు న్యాయం జరగాలనే సంకల్పంతో పూలే పోరాడిన విధానం ప్రస్తుత తరానికి ఆదర్శంగా నిలుస్తుందని అభిప్రాయపడ్డారు. ఆయన చూపిన మార్గాన్ని అనుసరించడం ద్వారా సమాజంలో సమానత్వం, న్యాయం స్థాపించవచ్చని పేర్కొన్నారు.
ఈ సందర్భంగా స్థానిక ప్రజలు, యువత కూడా పెద్ద సంఖ్యలో హాజరై పూలేకు ఘన నివాళులు అర్పించారు. పూలే జీవిత విశేషాలు, ఆయన ఆలోచనలపై చర్చలు నిర్వహించగా, ఆయన ఆశయాలను కొనసాగించేందుకు కట్టుబడి ఉండాలని ప్రజాప్రతినిధులు ప్రతిజ్ఞ చేశారు.
