ఆంధ్రప్రదేశ్ రాష్ట్ర ఐటీ, విద్యాశాఖ మంత్రి నారా లోకేశ్ రెండు రోజుల అధికారిక పర్యటన నిమిత్తం తిరుపతికి వెళ్లనున్న విషయం విధతమే. ఈ పర్యటనలో భాగంగా ఆయన పలు కార్యక్రమాల్లో పాల్గొనడంతో పాటు, ఐటీ, విద్యా రంగాలకు సంబంధించిన అంశాలపై సమీక్ష నిర్వహించనున్నట్లు అధికార వర్గాలు వెల్లడించాయి.
మంత్రి రాకను పురస్కరించుకుని జిల్లా అధికార యంత్రాంగం విస్తృత ఏర్పాట్లు చేసింది. రేణిగుంటా విమానాశ్రయంలో స్థానిక ప్రజాప్రతినిధులు, పార్టీ నాయకులు, అధికారులు ఆయనకు స్వాగతం పలకనున్నారు. అక్కడి నుంచి మంత్రి రోడ్డు మార్గంలో తిరుపతికి ప్రయాణిస్తారు.
తిరుపతిలోని ఎస్.వి. ఆటోనగర్ సమీపంలో ఉన్న ఎన్టీఆర్ స్పోర్ట్స్ కాంప్లెక్స్లో మంత్రి బస చేయనున్నారు. ఈ ప్రదేశంలో భద్రతా ఏర్పాట్లు కట్టుదిట్టం చేయబడినట్లు పోలీసు అధికారులు తెలిపారు. అలాగే మంత్రి పాల్గొనే కార్యక్రమాలకు సంబంధించి అన్ని ఏర్పాట్లు పూర్తి చేసినట్లు వెల్లడించారు.
మంత్రి నారా లోకేశ్ రెండు రోజుల ఈ పర్యటనలో భాగంగా పలు అభివృద్ధి కార్యక్రమాలను సమీక్షించనున్నారు. ముఖ్యంగా ఐటీ రంగ అభివృద్ధి, స్టార్టప్ల ప్రోత్సాహం, విద్యా రంగంలో చేపడుతున్న సంస్కరణలు వంటి అంశాలపై చర్చ జరగనుంది. రాష్ట్రంలో డిజిటల్ ఎడ్యుకేషన్ను బలోపేతం చేయడానికి తీసుకోవాల్సిన చర్యలపై అధికారులు మంత్రి ముందుకు నివేదికలు సమర్పించనున్నారు.
మంత్రి పర్యటన వేల తిరుపతి పరిసర ప్రాంతాల్లో జరుగుతున్న ప్రభుత్వ పథకాల అమలును కూడా సమీక్షించనున్నారు. స్థానిక సమస్యలు, ప్రజల అవసరాలు, మౌలిక సదుపాయాల అభివృద్ధి వంటి అంశాలపై అధికారులతో చర్చించి, ప్రజలకు మెరుగైన సేవలు అందించేందుకు తీసుకోవాల్సిన చర్యలపై దిశానిర్దేశం చేయనున్నారని సమాచారం.
ఈ సందర్భంగా మంత్రి ప్రజాప్రతినిధులు, పార్టీ నాయకులతో కూడా సమావేశం కానున్నారు. పార్టీ కార్యకలాపాలు, భవిష్యత్ వ్యూహాలపై చర్చించే అవకాశముందని సమాచారం. అలాగే స్థానిక ప్రజలతో కూడా మమేకమవుతూ వారి సమస్యలను తెలుసుకునే ప్రయత్నం చేస్తారని పార్టీ వర్గాలు చెబుతున్నాయి.
మంత్రి పర్యటన నేపథ్యంలో తిరుపతి నగరంలో భద్రతను మరింత కట్టుదిట్టం చేశారు. ముఖ్యంగా ఆయన వెళ్లే మార్గాల్లో ట్రాఫిక్ నియంత్రణ చర్యలు చేపట్టారు. ప్రజలకు ఎలాంటి అసౌకర్యం కలగకుండా పోలీసులు ప్రత్యేక చర్యలు తీసుకుంటున్నారు.
