భారతీయ సినీ పరిశ్రమలో తనదైన ముద్ర వేసి పాన్ ఇండియా దర్శకుడిగా గుర్తింపు పొందిన ప్రశాంత్ నిల్ పుట్టినరోజు సందర్భంగా అగ్ర కథానాయకుడు ఎన్టీఆర్. సోషల్ మీడియా వేదికగా చేసిన ప్రత్యేక శుభాకాంక్షల పోస్ట్ ప్రస్తుతం నెట్టింట వైరల్గా మారింది. ఇప్పటికే భారీ అంచనాలు నెలకొన్న వీరిద్దరి కాంబినేషన్లో తెరకెక్కుతున్న ‘డ్రాగన్’ చిత్రాన్ని గుర్తుచేస్తూ ఎన్టీఆర్ చేసిన ట్వీట్ అభిమానులను విశేషంగా ఆకట్టుకుంటోంది.
ఇటీవల భారతీయ సినీ పరిశ్రమలో పాన్ ఇండియా చిత్రాలకు కొత్త నిర్వచనం ఇచ్చిన దర్శకుల్లో ప్రశాంత్ నీల్ ఒకరు. ఆయన తెరకెక్కించిన కేజీఎప్ చాప్టర్ 1, కేజీఎప్ చాప్టర్ 2, సలార్ వంటి చిత్రాలు దేశవ్యాప్తంగా భారీ విజయాలను నమోదు చేశాయి. ఈ నేపథ్యంలో ప్రశాంత్ నీల్ దర్శకత్వంలో ఎన్టీఆర్ నటిస్తున్న కొత్త ప్రాజెక్టుపై ఇప్పటికే సినీ వర్గాల్లో, అభిమానుల్లో భారీ అంచనాలు నెలకొన్నాయి.
ప్రశాంత్ నీల్ పుట్టినరోజు సందర్భంగా ఎన్టీఆర్ తన అధికారిక సోషల్ మీడియా ఖాతాలో భావోద్వేగపూరిత సందేశాన్ని పోస్ట్ చేశారు. “పుట్టినరోజు శుభాకాంక్షలు డైరెక్టర్ గారూ.. మీరు చెప్పే కథలంత గొప్పగా ఈ ఏడాది మీకు సాగాలని కోరుకుంటున్నాను. మన కాంబినేషన్లో రాబోయే ప్రాజెక్ట్ కోసం, మన భవిష్యత్తు ప్రయాణం కోసం నేను ఎంతో ఆసక్తిగా ఎదురుచూస్తున్నాను ప్రశాంత్” అని పేర్కొన్నారు.
ఈ ట్వీట్లో ప్రత్యేకంగా అభిమానుల దృష్టిని ఆకర్షించిన అంశం ‘అవరే’ అనే కన్నడ పదం వినియోగించడం. కన్నడ భాషలో గౌరవ సూచకంగా ఉపయోగించే ‘అవరే’ అనే పదానికి తెలుగులో ‘గారూ’ అనే అర్థం వస్తుంది. ప్రశాంత్ నీల్కు గౌరవ సూచకంగా ఎన్టీఆర్ ఈ పదాన్ని ఉపయోగించడం తెలుగు, కన్నడ అభిమానులను ఆకట్టుకుంది. రెండు రాష్ట్రాల సినీ ప్రేక్షకులు ఈ అంశాన్ని సోషల్ మీడియాలో పెద్ద ఎత్తున చర్చిస్తున్నారు.
ఎన్టీఆర్, ప్రశాంత్ నీల్ కాంబినేషన్లో రూపొందుతున్న ‘డ్రాగన్’ చిత్రం ప్రస్తుతం భారతీయ సినీ పరిశ్రమలో అత్యంత ఆసక్తిగా ఎదురుచూస్తున్న ప్రాజెక్టులలో ఒకటిగా నిలిచింది. ఈ చిత్రం గురించి అధికారిక వివరాలు పరిమితంగానే బయటకు వచ్చినప్పటికీ, ఇది భారీ యాక్షన్ ఎంటర్టైనర్గా తెరకెక్కనున్నట్లు సినీ వర్గాలు భావిస్తున్నాయి. ప్రశాంత్ నీల్ మార్క్ మాస్ ఎలివేషన్లు, ఎన్టీఆర్ నటన కలిసి ప్రేక్షకులకు కొత్త అనుభూతిని అందిస్తాయనే అంచనాలు ఉన్నాయి.
ప్రస్తుతం ఎన్టీఆర్ వరుస పాన్ ఇండియా ప్రాజెక్టులతో బిజీగా ఉన్నారు. మరోవైపు ప్రశాంత్ నీల్ కూడా తన ప్రత్యేక శైలిలో భారీ చిత్రాలను రూపొందిస్తూ దేశవ్యాప్తంగా అభిమానులను సంపాదించుకున్నారు. ఈ ఇద్దరి కలయికలో వస్తున్న చిత్రం కావడంతో అభిమానులు ‘డ్రాగన్’పై ప్రత్యేక ఆసక్తి కనబరుస్తున్నారు.
