ఆంధ్రప్రదేశ్లోని ఒంగోలులో క్రీడా ఉత్సాహం నడుమ క్రీడా భారతి కబడ్డీ పోటీల ప్రారంభోత్సవ వేడుకలు ఘనంగా నిర్వహించబడ్డాయి. 5 ఏప్రిల్ 26న జరిగిన ఈ కార్యక్రమంలో క్రీడాభిమానులు, యువత పెద్ద సంఖ్యలో పాల్గొని వేడుకలకు మరింత శోభ తీసుకొచ్చారు.ఈ కార్యక్రమానికి ప్రముఖులు, ఆహ్వానితులు హాజరై పోటీలను ప్రారంభించారు. ముఖ్య అతిథులుగా డా. పున్నయ్య చౌదరి, చంద్రశేఖర్ జీ, అశోక్ జీ, కుర్రా భాస్కర్ రావు, సురేంద్రరెడ్డి తదితరులు పాల్గొన్నారు. అలాగే కార్యక్రమానికి విజయభారతి అధ్యక్షత వహించగా, కుమార్ ఆధ్వర్యంలో వేడుకలు నిర్వహించబడ్డాయి.
ఈ సందర్భంగా మాట్లాడిన అతిథులు, క్రీడలు యువతలో క్రమశిక్షణ, ఆత్మవిశ్వాసం, జట్టు భావన పెంపొందించడంలో కీలక పాత్ర పోషిస్తాయని తెలిపారు. ముఖ్యంగా కబడ్డీ వంటి భారతీయ సంప్రదాయ క్రీడలు మన సంస్కృతిని ప్రతిబింబిస్తాయని అన్నారు. గ్రామీణ స్థాయి నుంచి జాతీయ స్థాయికి క్రీడాకారులను తీసుకువెళ్లే వేదికలుగా ఇలాంటి పోటీలు ఉపయోగపడతాయని అభిప్రాయపడ్డారు.
క్రీడా భారతి ఆధ్వర్యంలో నిర్వహిస్తున్న ఈ పోటీలు యువతకు తమ ప్రతిభను ప్రదర్శించే మంచి అవకాశమని నిర్వాహకులు తెలిపారు. రాష్ట్రంలోని వివిధ ప్రాంతాల నుంచి వచ్చిన జట్లు ఈ పోటీల్లో పాల్గొంటున్నాయని చెప్పారు. పోటీల ద్వారా ప్రతిభావంతులైన క్రీడాకారులను గుర్తించి ప్రోత్సహించడమే లక్ష్యమని వివరించారు.కార్యక్రమంలో Food Corporation of India డైరెక్టర్ వెంకటేశ్వరరావు, న్యాయవాది సురేష్, వెంకటేశ్వరరావు తదితరులు కూడా పాల్గొని క్రీడాకారులకు ప్రోత్సాహం అందించారు. వారి ప్రసంగాలు యువతలో కొత్త ఉత్సాహాన్ని నింపాయి.ప్రారంభోత్సవం అనంతరం కబడ్డీ పోటీలు ప్రారంభమయ్యాయి. పాల్గొన్న జట్లు ఉత్సాహంగా పోటీ పడి ప్రేక్షకులను అలరించాయి. ప్రేక్షకుల హర్షధ్వానాల మధ్య క్రీడాకారులు తమ ప్రతిభను ప్రదర్శించారు.
