హైదరాబాద్లోని రాజీవ్ గాంధీ అంతర్జాతీయ స్టేడియం వేదికగా ఐపీఎల్ టోర్నీలో కొనసాగుతుంది. సన్రైజర్స్ హైదరాబాద్, రాజస్థాన్ రాయల్స్ జట్లు తలపడుతున్న ఈ మ్యాచ్ అభిమానుల్లో ఉత్కంఠను రేకెత్తిస్తోంది. రెండు జట్లు కూడా తమ తమ స్థాయిలో బలంగా ఉన్న నేపథ్యంలో ఈ పోరు మరింత రసవత్తరంగా మారనుంది.
టాస్ గెలిచిన రాజస్థాన్ రాయల్స్ కెప్టెన్ రియాన్ పరాగ్ విజయం సాధించి ముందుగా ఫీల్డింగ్ ఎంచుకున్నాడు. పిచ్ పరిస్థితులను దృష్టిలో ఉంచుకుని ఈ నిర్ణయం తీసుకున్నట్లు తెలుస్తోంది. దీంతో సన్రైజర్స్ హైదరాబాద్ జట్టు మొదట బ్యాటింగ్ చేయనుంది.
ఈ సీజన్లో సన్రైజర్స్ హైదరాబాద్ జట్టు ఇప్పటివరకు నాలుగు మ్యాచ్లు ఆడగా కేవలం ఒక మ్యాచ్లో మాత్రమే విజయం సాధించింది. మిగతా మ్యాచ్లలో పరాజయాలు చవిచూడడంతో జట్టు పాయింట్ల పట్టికలో వెనుకబడింది. ఈ నేపథ్యంలో నేటి మ్యాచ్ ఆ జట్టుకు అత్యంత కీలకంగా మారింది.
సన్రైజర్స్ కెప్టెన్ ఇషాన్ కిషన్ మాట్లాడుతూ.. “గతంలో అండర్-19, రాష్ట్ర జట్లకు కెప్టెన్గా చేసిన అనుభవం ఇప్పుడు ఉపయోగపడుతోంది. కెప్టెన్సీ బాధ్యతలు ఆటగాడిగా మరింత రాణించేందుకు స్ఫూర్తినిస్తాయి” అని అన్నాడు. జట్టులో ఒక మార్పు చేసినట్టు, హింగే తుది జట్టులోకి వచ్చినట్టు తెలిపాడు.
సొంత మైదానంలో ఆడుతున్న ఈ మ్యాచ్లో గెలిచి మళ్లీ గెలుపు బాట పట్టాలని ఆరెంజ్ ఆర్మీ భావిస్తోంది. అభిమానుల మద్దతు కూడా జట్టుకు బలంగా చేకూర్చనుంది. బ్యాటింగ్, బౌలింగ్ విభాగాల్లో మెరుగైన ప్రదర్శన ఇవ్వాల్సిన అవసరం ఉంది.
ఇక రాజస్థాన్ రాయల్స్ జట్టు ఈ సీజన్లో మంచి ఫామ్లో కనిపిస్తోంది. సమతుల్యమైన జట్టుతో బలంగా నిలుస్తూ వరుస విజయాలు సాధించేందుకు ప్రయత్నిస్తోంది. కెప్టెన్ రియాన్ పరాగ్ నాయకత్వంలో జట్టు ఆత్మవిశ్వాసంతో ఉంది. రెండు జట్ల మధ్య పోటీ ఎప్పుడూ ఆసక్తికరంగానే ఉంటుంది. ఈ మ్యాచ్లో కూడా ఉత్కంఠభరితమైన పోరు చూడొచ్చని క్రికెట్ అభిమానులు ఆశిస్తున్నారు.
