దేశ రాజకీయాల్లో కీలక ప్రాధాన్యత సంతరించుకున్న అస్సాం, కేరళ, పుదుచ్చేరి రాష్ట్రాల అసెంబ్లీ ఎన్నికల పోలింగ్ ఉదయం 7 గంటలకు ప్రారంభమైంది. ఈ ఎన్నికలు జాతీయ స్థాయిలో రాజకీయ సమీకరణాలను ప్రభావితం చేసే అవకాశం ఉన్నందున అన్ని ప్రధాన రాజకీయ పార్టీల దృష్టి ఈ రాష్ట్రాలపైనే కేంద్రీకృతమైంది. ఓటర్లు భారీగా పోలింగ్ కేంద్రాలకు తరలివస్తూ తమ ఓటును వినియోగించుకుంటున్నారు.
ఈ ఎన్నికల్లో ఎన్డీఏ, ఇండియా కూటమి మధ్య హోరాహోరీ పోటీ జరుగుతుంది. అస్సాం, పుదుచ్చేరిలో తమ అధికారాన్ని కొనసాగించాలని ఎన్డీఏ ప్రయత్నిస్తుండగా, ఈ ప్రాంతాల్లో తిరిగి పట్టు సాధించాలని విపక్ష కూటమి గట్టి ప్రయత్నాలు చేస్తోంది. కేరళలో కూడా రాజకీయ పోటీ మరింత ఉత్కంఠభరితంగానే ఉంది.
అస్సాంలోని 126 అసెంబ్లీ స్థానాలకు జరుగుతున్న ఎన్నికల్లో ప్రధానంగా బీజేపీ నేతృత్వంలోని ఎన్డీఏ, కాంగ్రెస్ ఆధ్వర్యంలోని విపక్ష కూటమి మధ్య పోటీ కనిపిస్తోంది. ప్రస్తుత ముఖ్యమంత్రి హిమంత బిస్వ శర్మ మూడోసారి అధికారంలోకి రావాలని లక్ష్యంగా పెట్టుకోగా, కాంగ్రెస్ నేత గౌరవ్ గగోయి. నేతృత్వంలో పార్టీ తిరిగి పుంజుకోవాలని ప్రయత్నిస్తోంది.
అస్సాం ఎన్నికల్లో వలసల సమస్య, జాతీయ పౌరుల రిజిస్టర్ (NRC), ఓటర్ల జాబితా సవరణ వంటి అంశాలు ప్రధాన చర్చాంశాలుగా మారాయి. ఈ అంశాలపై రాజకీయ పార్టీల మధ్య తీవ్ర వాగ్వాదం కొనసాగింది. ప్రతి పార్టీ తమ విధానాలను ప్రజలకు వివరిస్తూ ఓటర్లను ఆకట్టుకునేందుకు విస్తృత ప్రచారం నిర్వహించింది.
పుదుచ్చేరిలో కూడా రాజకీయ పోటీ ఆసక్తికరంగా మారింది. ఇక్కడ స్థానిక అంశాలతో పాటు కేంద్ర ప్రభుత్వ విధానాలు కూడా ప్రభావం చూపుతున్నాయి. అభివృద్ధి, ఉపాధి, పర్యాటకం వంటి అంశాలు ప్రధాన ఎజెండాగా నిలిచాయి.
కేరళలో సాంప్రదాయంగా ఎడమపక్షం,కాంగ్రెస్ కూటముల మధ్య పోటీ జరుగుతుంటుంది. ఈసారి కూడా అదే పరిస్థితి కనిపిస్తోంది. సంక్షేమ పథకాలు, అభివృద్ధి కార్యక్రమాలు, యువతకు ఉపాధి వంటి అంశాలు ఎన్నికల ప్రచారంలో ప్రధానంగా నిలిచాయి.
పోలింగ్ ప్రారంభమైన మొదటి గంటల నుంచే ఓటర్లు పెద్ద ఎత్తున పోలింగ్ కేంద్రాలకు తరలివస్తున్నారు. ఎన్నికలు ప్రశాంతంగా నిర్వహించేందుకు కట్టుదిట్టంగా భద్రతా ఏర్పాట్లు చేపట్టారు. సున్నిత ప్రాంతాల్లో అదనపు భద్రతా బలగాలను అధికారు మొహరించారు.
ఈ ఎన్నికల ఫలితాలు ఇరు కూటములకు అత్యంత కీలకంగా భావించబడుతున్నాయి. ముఖ్యంగా అస్సాం ఫలితాలు జాతీయ రాజకీయాలపై ప్రభావం చూపే అవకాశం ఉందని విశ్లేషకులు భావిస్తున్నారు. ఎన్డీఏ మరోసారి విజయాన్ని సాధిస్తే కేంద్రంలో తన బలాన్ని మరింత పెంచుకోగలదు. మరోవైపు ఇండియా కూటమి గెలిస్తే విపక్షానికి కొత్త ఉత్సాహం లభించే అవకాశం ఉంది.
ఓటర్ల తీర్పు ఎలా ఉండబోతుందన్న ఆసక్తి దేశవ్యాప్తంగా నెలకొంది. యువ ఓటర్లు, మహిళలు పెద్ద సంఖ్యలో పోలింగ్లో పాల్గొనడం గమనార్హం. ప్రజాస్వామ్యంలో ఓటు హక్కు ఎంత ముఖ్యమో ఈ ఎన్నికలు మరోసారి గుర్తు చేస్తున్నాయి.
ఎన్నికల ఫలితాలు వెలువడిన తర్వాత ఈ రాష్ట్రాల్లో ప్రభుత్వ ఏర్పాటుపై స్పష్టత రానుంది. అప్పటి వరకు రాజకీయ వర్గాలు ఉత్కంఠతో ఎదురుచూస్తున్నాయి. ఈ ఎన్నికలు భవిష్యత్ రాజకీయ దిశను నిర్ణయించే కీలక మలుపుగా నిలవనున్నాయి.
